Abenduaren 17-24ra Peio Ospital-en ahotik.
Bertsio librea. Nor nori ari zaio eske Antifona hauetan ? Zu baden ororen Hondoari. Izaki guztiak zuri, zure Hondoari.
Oi Zuhurtzia, dena tinko eta gozo moldatzen duzuna, zato eta erakuts iezaguzu osagarri-bidea !
O Izen oroz Haraindiko, Sutan den Sasi, Askatasunaren Lege, zato zure besoaren ahalaz gu askatzera !
O Biziaren Zuhaitzaren Kimu, herrientzat ezaugarri altxatzen zirena, zato gu libratzera, ez luzatu gehiago !
Oi historiaren Giltza, ideki eta nihork hetsi ezin duena, hetsi eta nihork ideki ezin, etorri eta askatu ilunpean eta heriotzaren itzalean bizi diren gatibuak !
Oi Goiz-Argi, justiziazko Eguzki, zato ilunpetan eta heriotzaren itzalean bizi direnak argitzera !
Oi Nazioen Gutizia, herri guziak bat egiten dituzuna, zato eta salba ezazu lurreko buztinaz moldatu duzun gizakia !
O Emmanuel, nazioen Esperantza eta herrien Salbatzailea, zato gu salbatzera !
Iturria : https://josearregi.com/