200 lagunez goiti izan dira 2025ko uztailaren 14an Belokeko frailetxean iragan euskarazko beilan parte hartu dutenak.
Esperantzaren urte sainduko beilarekin batera, Belokeko Beneditarren Komunitatea 1875ean Aita Bastresek sortu zueneko 150. urteburua ospatua izan da.
Goizean Jean-Michel Bortheirie beneditanoak eman du hitzaldia Belokeko historiari buruz eta arratsaldean Jean Eliçagaray apeza mintzatu da urte sainduari buruz, esperantzaren urteari buruz.
Dominique Errecart apeza izan da Biltzar buru eta homilia berak eman du.
Mezako fededunen otoitzean Graxi Solorzanok kantatu ditu bertsuak eta Jean-Pierre Dumoulin gaiteroak eta Marie-Véronique serora organolariak eskaini daukute momentu musikal ederra.
Arratsaldean Bazko otoitza ospatua izan da Belokeko hilerrietan : txalaparta, kantua eta txirula otoitz bihurtuz. Esperantzaz beterik hilen alde otoitz egiteko momentu hunkigarria izan da.
Bezperetan taldetxo batek eskaini du « Begitartea » kantua, Iratzeder eta Gabriel Lerchundik sortua.
Belokeko beila uztailaren 14an : argazkiak eta grabaketak hemen.
